Hrafninn sumarstarf 7 til 16 ára

Hrafninn við Kársnesskóla Skólagerði

Frístundaklúbbur fyrir börn og unglinga með sérþarfir

Starfið í Hrafninum er tvíþætt, sumarnámskeið fyrir börn á aldrinum 7 til 12 ára (f. 2004 - 2010) og vinnu - og frístundastarf fyrir unglinga á aldrinum 13 til 16 ára. Þátttakendur verða að eiga lögheimili í Kópavogi.

Markmið í starfinu er að veita þeim börnum og unglingum sem þar dvelja öruggt athvarf, fastan punkt í tilveruna og bjóða þeim upp á skipulagðar tómstundir þar sem allir ættu að geta fundið eitthvað við sitt hæfi. Unnið skal að því að hverjum og einum líði vel og finnist gott að koma í Sumarfrístund þar sem hægt er að njóta sín í öruggu og skemmtilegu umhverfi.

Viðfangsefni sumarnámskeiðanna eru fjölbreytt eins og sundferðir, smíðavellir, skólagarðar, útivist og ýmsar stuttar ferðir innan og utan bæjarmarkanna. Sumarnámskeiðsvikur eru eftirfarnandi: 

Námskeið 1: 12. júní - 16. júní 
Námskeið 2: 19. júní - 23. júní  
Námskeið 3: 26. júní - 30. júní
Námskeið 4: 03. júlí - 07. júlí
Námskeið 5: 10. júlí - 14. júlí.
Námskeið 6: 17. júlí - 21. júlí

Skipulögð dagskrá er frá kl. 09.00 – 16.00. Boðið er upp á gæslu á milli 08.00 – 09.00 og 16.00 – 17.00, hver klukkustund kostar 240 kr. ATH. Í skráningarkerfi þarf að skrá sérstaklega ef óskað er eftir gæslu fyrir börnin.

Börnin þurfa að hafa með sér nesti fyrir allan daginn.

Námskeiðsgjald er kr. 8700 hver vika. Systkinaafsláttur er 20% við skráningu barns nr. 2 og 10% á hvert barn eftir það. Hámarksfjöldi er 20 börn á hvert námskeið.

Skráning hefst 20. apríl og námskeiðsgjald greiðist við skráningu. Smellið hér til að fara á skráningarsíðu. 

________________________________________________________________________________________________

Unglingastarfið  í Hrafninum. 

Unglingum 13 til 16 ára (fædd á árunum 2001 – 2003)  gefst kostur á að vinna í Vinnuskóla Kópavogs, vinnan er sveigjanleg og aðlöguð að þeirra áhuga, getu og úthaldi. Forstöðumenn Hrafnsins og Vinnuskólans vinna saman að gerð verkefnalista um þau vekefni sem henta þeim. Vinnutími unglingana er einstaklingsmiðaður, allt frá nokkrum tímum á viku, upp í heila daga.

Skráningar í Vinnuskóla Kópasvogs eru HÉRVinsamlega takið fram við skráningu að unglingur hafi tengingu við Hrafninn.

ATH! Eftir að vinnutímabili unglinga lýkur taka við frístundanámskeið og er námskeiðsgjald kr. 8.700 hver vika.  

Forstöðumaður í Hrafninum er Ásgerður Stefanía Baldursdóttir
, netfang: asgerdurs@kopavogur.is 
Símanúmer í Hrafninum eru 441 9381, gsm 897 0013.



Þetta vefsvæði byggir á Eplica