Bókasafn Kópavogs

Stefnumót við rithöfunda – hvernig verður bókin til?

Bókasafn Kópavogs býður skáldum á aldrinum 9 til 12 ára á stefnumót við rithöfunda á sumarnámskeiði í ágústmánuði. Námskeiðið er fimm dagar og stendur frá kl. 13:00 – 16:00 alla dagana.


Um námskeiðið:
Krakkarnir kanna bókasafnið, lesa bækur, tala um bækur, leggja drög að sínum eigin bókum, kynnast því hvernig bækur verða til, og spjalla við höfunda uppáhaldsbókanna sinna. Einnig verður farið í vettvangsferðir í bókaforlög og prentsmiðju. Nýir höfundar heimækja hópinn daglega, en höfundarnir sem koma á stefnumót í ár eru meðal annars Kristín Ragna Gunnarsdóttir, Gunnar Helgason, Kristín Helga Gunnarsdóttir, Marta Hlín Magnadóttir og Birgitta Elín Hassell.

Námskeiðið hentar öllum krökkum sem hafa gaman af því að segja sögur.

Að námskeiði loknu hafa krakkarnir fengið innsýn inn í störf rithöfunda og hafa prófað að skrifa sögur eftir ýmsum aðferðum. Þeir æfa sig að vinna bæði saman og sjálfstætt og þjálfa sig í að taka gagnrýni og veita hana. Ekki síður er mikilvægt tækifærið til að lesa bækur, skiptast á skoðunum um þær og læra að umbreyta lestri í sköpunarkraft.

Námskeið:  13. – 17. ágúst á Bókasafni Kópavogs.

Námskeiðsgjaldið er kr. 6.000 og innifalið er síðdegishressing. Systkinaafsláttur er 20% við skráningu barns nr. 2 og 10% á hvert barn eftir það. Allir fá viðurkenningarskjal að námskeiði loknu. Hámarksfjöldi á námskeiðið eru 16 börn.

Skráningar: Skráningar fara fram í gegnum Frístundagátt Kópavogsbæjar HÉR .

Vinsamlega athugið: Börn sem eru með lögheimili utan Kópavogs þarf að skrá með því að senda tölvupóst á bokasafn@kopavogur.is

Nánari upplýsingar veitir Gréta Björg Ólafsdóttir í síma 441 – 6800

Bókasafns Kópavogs
Hamraborg 6a
sími: 441 – 6800

Vefslóð: www.bokasafnkopavogs.is
Netfang: bokasafn@kopavogur.is