Golfleikjanámskeið GKG

Golfklúbbur Kópavogs og Garðabæjar

Um golfleikjanámskeiðið.

Á námskeiðunum er nemendum skipt í hópa eftir kyni og aldri sé þess kostur. Aldur miðast við 6 til 12 ára. Lögð er áhersla á að kynna íþróttina fyrir börnunum í gegnum golftengda leiki og hreyfingu. Leiðbeinendur eru úr hópi afrekskylfingaGKG sem eru á alrinum 16 til 21 árs og miðað er við að ekki sú fleiri er 8 iðkendur á hvern leiðbeinanda. Á seinasta degi námskeiðins kynnast þau leiknum sjálfum enn frekar með því að leika æfingavöllinn okkar þar sem brautirnar eru 40 – 60 metra langar. Námskeiðum lýkur síðan með pylsuveislu og afhendingu viðurkenningarskjals f

rá GKG

Markmið golfleikjanámskeiðanna er að kynna golfíþróttina fyrir börnunum og ýta undir áhuga þeirra á því að leggja stund á þessa fjölskylduvænu íþrótt. Farið er í helstu þætti golfleiksins, allt frá púttum til upphafshögga og eru leiðbeiningar gjarnan í formi golfleikja ýmiss konar. Einnig verður lögð áhersla á að kynna helstu golfsiði og golfreglur fyrir nemendum. Mikilvægt er að á golfnámskeiðinu séu einnig fjölbreyttir leikir sem efla hreyfiþroska barnanna svo sem samhæfingu, liðleika og jafnvægi, enda eru það mikilvægir þættir í hreyfingum golfsveiflunnar. Forgangsatriði námskeið

anna eru að þau séu skemmtileg, að börnin njóti sín og að þróa jákvætt viðhorf til golfíþróttarinnar.

Námskeið og dagsetningar: Haldin eru 2 námskeið á dag í 7 vikur, eða alls 14 vikulöng golfnámskeið. Hægt er að velja um námskeið kl. 09.00 – 12.00 eða kl. 13.00 – 16.00.

Námskeið 1: 11. júní – 15. júní
Námskeið 2: 18. júní – 22. júní
Námskeið 3: 25. júní – 29. júní
Námskeið 4: 02. júlí – 06. júlí
Námskeið 5: 16. júlí – 20. júlí
Námskeið 6: 23. júlí – 27. júlí
Námskeið 7: 30. júlí – 03. ágúst

 

Verð: 5 daga námskeið kr. 14.000. Veittur er 20% systkinaafsláttur. Einnig er veittur 20% afsláttur ef sótt eru fleiri en eitt námskeið. Við bendum á að börnin komi vel klædd því allra veðra er von og komi með gott nesti.

ATH! Þátttaka á golfleikjanámskeiðum veitir aukafélagsaðild í GKG. Innifalið í aukafélagsaðild er aðgangur að 5 holu æfingavellinum fyrir barnið og fjölskyldumeðlimi til að koma og leika sér á, þegar námskeið eru ekki í gangi. Einnig er hægt að nýta högg – æfingasvæðið og eru seldar æfingafötur í golfverslun GKG.

Hægt að stunda æfingar frá 8 ára aldri hjá GKG sem félagsmaður. Nánari upplýsingar um æfingatöflur, verðskrá og fl. er að finna á heimasíðu GKG (Opnast í nýjum vafraglugga). Ef tekið er þátt í tveimur námskeiðum þá er frír aðgangur að félagsæfingum það sem eftir er af sumartímabilinu ( til 20. september ), þó er miðað við að lágmarks aldur sé 8 ára á árinu.
 
Aðstaða og búnaður:
Tekið er á móti börnunum við inngang íþróttamiðstöðvar GKG og eru þau sótt þangað aftur. Börnin hafa sér nesti sem er borðað við vesturenda hússins, á sama stað. Ef veður er óhagstætt þá fer hluti æfinganna einnig fram þar, enda aðstaða til æfinga innanhúss eins og best verður á kosið. Ekki er nauðsynlegt að eiga golfkylfur til að taka þátt í námskeiðum hjá GKG því búnaður er til láns meðan á námskeiði stendur.

Yfirumsjónarmaður golfleikjanámskeiða GKG er Jóel Gauti Bjarkason sem hefur mikla reynslu sem leiðbeinandi hjá GKG.

Skráningar fara fram rafrænt á skráningarformi á  heimasíðu GKG hér (Opnast í nýjum vafraglugga).