Siglingafélagið Ýmir

Sumarstarf Ýmis 2017

Siglingaæfingar fyrir börn 8 til 14 ára

Siglingafélagið Ýmir býður upp á siglingaæfingar fyrir börn á aldrinum 8 til 14 ára.


Nánar um námskeiðið:
Markmiðið er að æfa þátttakendur í að sigla Optimist, Topper og Laser bátum félagsins. Æfingarnar verða á mánudögum og miðvikudögum frá kl. 16.00 - kl. 19.00. Á fimmtudögum verður einnig opið fyrir þá sem hafa áhuga á að taka þátt í æfingakeppnum.
Þrír starfsmenn Ýmis verða á æfingunum; þjálfari, aðstoðarmaður þjálfara og fulltrúi Ýmis.


Námskeiðstími/ námskeiðsgjald: 
Boðið verður upp á 10 vikna námskeið frá 12. júní - 16. ágúst á kr. 27.000. Frístundastyrk er hægt að nýta á 10 vikna námskeiðið. Einnig er boðið upp á hálft námskeið (5 vikur) sem kostar kr. 15.000, á þetta námskeið er ekki hægt að nýta frístundastyrk. Hámarksfjöldi á æfingunum er að jafnaði 12 börn.
Systkinaafsláttur er 20% við skráningu barns nr. 2 og 10% á hvert barn eftir það.


Umsjónarmenn eru Sigríður Ólafsdóttir, Þorsteinn Aðalsteinsson og Hannes Sveinbjörnsson.

Frekari upplýsingar eru veittar á netfanginu siglingafelag@siglingafelag.is og á Facebooksíðu félagsins.

Hægt að sækja um í gegnum Frístundagátt Kópavogsbæjar.



Þetta vefsvæði byggir á Eplica