Leikjanámskeið í Lindakirkju
KFUM og KFUK stendur fyrir hinum sívinsælu leikjanámskeiðum í Lindakirkju í sumar.
Markmið leikjanámskeiðanna er að bjóða börnum á aldrinum 6 til 9 ára upp á metnaðarfullt sumarstarf þar sem lögð er áhersla á aukinn þroska líkama, sálar og anda. Mikið er lagt upp úr því að mæta hverju barni á eigin forsendum og því mikil áhersla lögð á vináttu, kærleika og virðingu hvert fyrir öðru.
Á hverjum degi er boðið upp á vandaða og fjölbreyttra dagskrá. Má þar nefna útivist, föndur, íþróttir, leiki, vettvangsferðir og fræðslu um lífið og tilveruna út frá kristilegu sjónarmiði. Lögð er áhersla á að hvert barn fái að njóta sín sem best við leiki og störf. Síðasta dag námskeiðis er boðið upp á uppskeruhátíð þar sem grillaðar verða pylsur og safi og karnival í boði.
Námskeiðin standa frá kl. 09:00-16:00 og húsnæðin opna kl. 08:45.
Börnin hafa sjálf með sér nesti fyrir allann daginn; morgunkaffi, hádegismat og síðdegiskaffi. Mælt er með hollu og næringaríku nesti.
Námskeið 1: 06. – 09. júní kr. 16.900
Námskeið 2: 12. – 16. júní kr. 19.900
Námskeið 3: 19. – 23. júní kr. 19.900
Námskeið 4: 26. – 30. júní kr. 19.900
Námskeið 5: 03. – 07. júlí kr. 19.900
Námskeið 6: 10. – 14. júlí kr. 19.900
Skráning er hafin á leikjanámskeið í Lindakirkju
Netfang KFUM & KFUK á Íslandi er kfum@kfum.is og sími 588 – 8899 þar sem veittar eru frekari upplýsingar.