Tennis- og leikjaskólinn

Tennis- og leikjaskóli TFK

Tennis - og leikjaskóli fyrir 5 til 8 ára og Tennisskóli fyrir 9 til 13 ára  

TFK og Tennishöllin eru með Tennis - og leikjaskóla fyrir börn áaldrinum 5 til 8 ára og
Tennisskóla fyrir börn á aldrinum 9 til13 ára. Námskeiðin eru haldin á úti- og innivöllum í Tennishöllinni að Dalsmára 13.

Tennis- og leikjaskóli fyrir börn á aldrinum 5 til 8 ára

Markmið námskeiðanna er að kenna undirstöðu atriði tennisíþróttarinnar í bland við skemmtilega bolta-, hlaupa- og tennisleiki auk þess sem spilaður er mini tennis. Ýmislegt annað er til gamans gert svo sem barnaeróbikk með skemmtilegri tónlist, ratleikur, tarzanleikur og fleira. Á hverju námskeiði er lögð áhersla á að auka hreyfiþroska barnanna og uppeldislega hollt umhverfi . Miðað er við að um það bil einn leiðbeinandi sé á hver 8 börn. Börnunum er skipt í hópa eftir aldri.

Tennisskóli fyrir börn á aldrinum 9 til 13 ára. 

Á þessu námskeiði er lögð meiri áhersla á tennisæfingar og tennisspil þó að ýmsir tennisleikir séu þar líka á dagskrá. Aðal áhersla, í öllum aldurhópum, er að hafa gaman af tennis. Hvert námskeið er sett upp sem tveggja vikna námskeið en hægt er að taka stakar vikur. Tímasetning námskeiðanna er eftirfarandi:

Námskeið 1: 12. júní - 23. júní
Námskeið 2: 26. júní - 07. júlí
Námskeið 3: 10. júlí - 21. júlí
Námskeið 4: 24. júlí - 04. ágúst
Námsekið 5: 08. ágúst - 18. ágúst.

Í lok hvers námskeiðs er haldin pizzu - eða grillveisla og fá allir nemendur TFK bol og viðurkenningarskjal. Hægt er að velja um námskeið frá kl. 09.00 – 12.00, frá kl. 13.00 – 16.00 og allan daginn frá kl. 09.00 - 16.00. Börnin geta fengið gæslu kl. 07.45 - 09.00, í hádeginu og frá kl. 16.00 - 17.15. Gæsla er án endurgjalds.

Verð fyrir hverja viku hálfan daginn er kr. 10.900 kr. og fyrir heilan dag 15.900 kr. Systkinaafsláttur er 10% fyrir öll systkini.

Umsjón með námskeiðum hafa tennisþjálfararnir Jón Axel Jónsson íþróttastjórnunarfræðingur, Milan Kosicky, Dominik Hobacher,  Hinrik Helgason og Davíð Ármann Eyþórsson.

Skráning er hafin á heimasíðu TFK. Skráning hér. Einnig er hægt að hafa samband við Tennishöllinna í síma 564 - 4030 og í tölvupósti á tennis@tennishollin.is.

Vinsamlegast frestið ekki skráningu því aðeins 60 börn komast á hvert námskeið.

Tennisakademía Tennishallarinnar og TFK. Börn og unglingar sem hafa verið að æfa tennis geta farið í Tennisakademiuna.  Tennisakademian er hugsuð fyrir þá sem vilja ná miklum framförum í tennis á stuttum tíma. 

Skráningar og nánari upplýsingar um þessi námskeið eru í síma 564-4030, á heimsíðu Tennishallarinnar eða með þvi að senda tölvupóst á tennis@tennishollin.is

Tennisæfingar fyrir 13 til 16 ára.
Tennisæfingar fyrir 13 til 16 ára verða haldnar á virkum dögum frá kl. 16.30 - 18.00

Tennisæfingar fyrir fullorðna. 
Tennisfélag Kópavogs og Tennishöllin bjóða einnig upp á byrjendanámskeið í tennis fyrir fullorðna. Einnig er boðið upp á opin karla - og kvennakvöld.

Skráningar og nánari upplýsingar um þessi námskeið eru gefnar í síma 564 - 4030 og á heimasíðu Tennishallarinnar eða með því að senda tölvupóst á tennis@tennishollin.is

TFK - Tennishöllin/ Dalsmára 13 
Sími: 564-4030 

Netfang: tennis@tennishollin.is 
Heimasíða TFK 




Þetta vefsvæði byggir á Eplica