Sumarvefur Kópavogsbæjar

Á sumarvef Kópavogsbæjar er að finna fjölbreytt og skemmtileg frístunda, - leikja - og íþróttanámskeið fyrir börn á aldrinum 6 til 16 ára. Námskeið á vegum frístunda - forvarna - og íþróttadeildar verða m.a. hjóla- og útivistarnámskeið, smíðavöllur og siglingarnámskeið. Sumarstarf í frístundaklúbbnum Hrafninum er fyrir börn og unglinga með sérþarfir og atvinnutengt frístundaúrræði verður fyrir ungmenni með sérþarfir 16 til 24 ára í starfs- og frístundaklúbbnum Tröð.

Götuleikhús Kópavogs og skapandi sumarstörf er vinnutengt unglinga - og ungmennastarf og munu þau glæða bæinn leik- og tónlistarlífi með ýmsum hætti.

Opnað verður fyrir skráningar í fyrrgreind námskeið hér á vefnum á Sumardaginn fyrsta 21. apríl. Verið velkomin í litríkt sumarstarf í Kópavogi.

Helstu nýjungar í kynningarefni á sumarvefnum eru námskeið hjá CrossFit Sport og dansskóla Birnu Björns. Auk þess er mun meira framboð af sumarnámskeiðum í ágúst á vegum íþróttafélaga í Kópavogi. Kvikmyndanámskeið verður einnig í boði og haldið í Bókasafni Kópavogs.

Undir hnappnum "Önnur námskeið" er að finna ýmis sumarnámskeið á vegum íþróttafélaga í Kópavogi og annarra tómstunda- og félagasamtaka. Nánari upplýsingar um þau eru á heimasíðum þeirra ásamt upplýsingum um skráningarferli.

Gleðilegt sumar


Þetta vefsvæði byggir á Eplica