Upplýsingar um úthlutun á stuðning á almenn sumarnámskeið og reglur um úthlutun.
Foreldrum/forráðmönnum barna með fötlun býðst að sækja um stuðning fyrir börn sín á almenn sumarnámskeið.
Til að fá mat á hvaða stuðningur hentar hverju barni, er óskað eftir að foreldrar veiti samþykki fyrir því að leitað verði upplýsinga til þjónustuaðila barnsins, t.d. hjá skóla eða Velferðarsviði Kópavogsbæjar. Sjá nánar á umsóknareyðublaði.
Úthlutað er allt að 6 sumarvikum og er það í samræmi við fjölda sumarvikna í frístundaklúbbnum Hrafninum, í frístundaklúbbum í Klettaskóla og í öðrum skólum sem börn með lögheimili í Kópavogi sækja. Ef þörf er fyrir stuðning umfram 6 vikur, þarf að sækja um það sérstaklega með skriflegri beiðni, sem þá fer í endurmat.
Vakin er athygli á að sé barn skráð á sumarnámskeið í Hrafninum er ekki veittur viðbótar stuðningur, starfsmannahald Hrafnsins tekur mið af umsóknum sem þangað berast.
ATH! Umsóknir þurfa að berast frístundadeild menntasviðs eigi síðar en 30. apríl.
Sækja um stuðning fyrir barn á almenn sumarnámskeið
Mikilvægar upplýsingar:
- Hægt er að sækja um allt að 6 sumarvikur og miða þær við námskeið allan daginn.
- Mögulegt er að lengja í námskeiðstímanum ef valin eru námskeið hálfan daginn.
- Umsókn um stuðning fyrir barn á almenn sumarnámskeið þarf að berast eigi síðar en 30. apríl.
- Ef foreldri/forráðamaður er með stuðningsaðila og viðkomandi er tilbúinn að fylgja barninu á sumarnámskeiðum er tekið tillit til þess í umsóknum.
- Stuðningsaðilar þurfa að sækja um sumarstarf í stuðning á umsóknarvef Kópavogsbæjar.
- Ráðningasamningur stuðningsaðila tekur mið af námskeiðstíma hvers barns.