Sumarbúðir skáta – Úlfljótsvatn

Sumarið 2021 verður boðið upp á þrjú tímabil. Sumarbúðirnar eru ætlaðar börnum á aldrinum 9 – 12 ára, fædd 2012 – 2009. Það er líf og fjör að mæta í sumarbúðir og kynnast nýjum krökkum, náttúrunni og fara í spennandi dagskrá. Dæmi um dagskrá í sumarbúðum skáta er klifur, vatnasafarí, þrautabraut, bátar, bogfimi, leikir, þrautir, kvöldvökur og ýmislegt fleira.

Sumarbúðirnar eru reknar af skátahreyfingunni og eru gildi hennar höfð til hliðsjónar í öllu starfi. Sumarbúðirnar hafa verið starfræktar að Úlfljótsvatni síðan 1941. Framan af var aðeins um að ræða sumarbúðir fyrir skáta, og sváfu þeir fyrstu árin í tjöldum. Útilífsmiðstöð skáta Úlfljótsvatni er í Grafningi, skammt frá Ljósafossvirkjun. Jörðin er í eigu skáta og Skógræktarfélags Íslands. Útilífsmiðstöðin hefur um áratuga skeið verið aðalbækistöð skáta á Íslandi. Þar er miðstöð foringjaþjálfunnar skáta, aðstaða fyrir skátamót, skólabúðir, sumarbúðir og tjaldsvæði fyrir almenning.

Aðstaða til útivistar gerist vart betri, fjöldi leiktækja og þrautabrauta, stærsti klifur- og sigturn landsins og margar skemmtilegar gönguleiðir. Starfsmennirnir eru stoltir af því að bjóða upp á metnaðarfulla dagskrá sem nær vel til krakka. Í sumarbúðunum eru allir þátttakendur og takast á við spennandi viðfangsefni í náttúrulegu og öruggu umhverfi.

Þátttakendur gista í 4-8 manna herbergjum í JB-skála og DSÚ-skála á aðalsvæði Útilífsmiðstöðvarinnar. Öll herbergi eru með kojum. Þátttakendum verður raðað saman í herbergi þegar komið er á svæðið og geta vinir óskað eftir því að vera saman í herbergi.

Eftirfarandi tímabil eru í boði fyrir sumarið 2021:

Námskeið 14. – 18. júní 

Námskeið 21. – 25. júní 

Námskeið 28. júní – 02. júlí

Námskeiðsgjald:
Verð er 49.990 kr. Innifalið í verði er rúta, gisting, matur og öll dagskrá. Systkinaafsláttur er 10%. Rúta fer frá Skátamiðstöðinni, Hraunbæ 123. Vinsamlegast látið vita ef þátttakandi fer ekki með rútu. Einungis eru 32 pláss á hverju tímabili. Eftir að þau pláss fyllast opnast fyrir biðlista. Fyrstur kemur fyrstur fær. Staðan á lausum plássum sést við skráningu á Sportabler. Sumarbúðirnar hefjast á mánudegi og standa til föstudags.

Skráning fer fram hér:

Útilífsmiðstöð skáta,
Úlfljótsvatni. 801 Selfoss
Sími 482 – 2674
Heimasíða  sumarbúða