Dýr og List sumarnámskeið

SUMARNÁMSKEIÐ 2021 í samstarfi við Dýragarðinn Slakka og Reiðskólann Eðalhesta.

Í sumar ætlum við að vera með dýra- og listanámskeið fyrir börn á aldrinum 5 til 11 ára.
Námskeiðin verða daglega í eina viku og eru frá kl. 09.00 – 12.00 eða frá kl. 13.00 – 16.00.
Aðalmarkmið námskeiðsins er að börnin skemmti sér, komist í snertingu við dýr og efli skapandi hugsun. Börnunum verður kennt að umgangast dýrin, þrífa hjá þeim, gefa þeim að borða, veita þeim ást og hlýju auk þess að fara einu sinni á hestbak.

Við munum vinna með skapandi hugsun, persónulega tjáningu og ímyndunaraflið í myndlist.

 

Mikilvægt er að börnin klæði sig eftir veðri því við munum vera mikið úti og gott er að taka með sér nesti fyrir nestistímann. Við leggjum upp úr því að það sé hollt og gott nesti.
Í lok námskeiðsins, sem er á föstudögum, munum við hafa grillpartý fyrir krakkana og þá þurfa þau að taka með sér pylsur/grænmetispylsur og pylsubrauð en við munum útvega meðlætið á pylsurnar.

Það verða einungis 10 til 15 börn á hverju námskeiði og þeim verður skipt upp í litla tveggja til þriggja manna hópa.

Vegna aðstæðna í samfélaginu munum við passa sérstaklega vel upp á hreinlæti og handþvott.

 

Námskeiðsvika 1. 28. júní – 02. júlí kl.09.00 – 12.00 eða 13.00 – 16.00
Námskeiðsvika 2. 05. júlí – 09. júlí kl. 09.00 – 12.00 eða 13.00 – 16.00
Námskeiðsvika 3.
12. júlí – 16. júlí kl. 09.00 – 12.00 eða 13.00 – 16.00
Námskeiðsvika 4. 19. júlí – 23. júlí kl. 09.00 – 12.00 eða 13.00 – 16.00

Námskeiðsgjald er kr. 25.000

Skráning er hafin og hægt er að bóka á námskeið í gegnum netfangið dyroglist@gmail.com eða í gegnum facebook síðu námskeiðsins Dýr og list, og senda okkur þar skilaboð.

 

Kennarar á námskeiðinu eru Sóldís Einarsdóttir og Þórunn Rebekka Ingvarsdóttir.

Sóldís Einarsdóttir hefur lokið myndlistakennaranámi frá Háskóla Íslands. Hún hefur starfað sem myndlistakennari í grunnskólum og hjá Myndlistaskóla Kópavogs, auk þess sem hún hefur starfað sem hundasnyrtir og við hundaþjálfun í mörg ár.

Þórunn Rebekka Ingvarsdóttir stundar nú nám í líffræði við Háskóla Íslands. Hún hefur starfað sem reiðkennari í Reiðskólanum Eðalhestar í mörg ár.

Við hlökkum til að sjá ykkur í sumar.