Hrafninn frístundaklúbbur

Hrafninn frístundaklúbbur fyrir börn og unglinga með fötlun
Sumarstarfið verður í Salaskóla í sumar

Starfið í Hrafninum er tvíþætt, sumarnámskeið fyrir börn á aldrinum 7 til 12 ára (f. 2006 – 2012) og vinnu – og frístundastarf fyrir unglinga á aldrinum 13 til 16 ára. Þátttakendur verða að eiga lögheimili í Kópavogi.

Markmið í starfinu er að veita þeim börnum og unglingum sem þar dvelja öruggt athvarf, fastan punkt í tilveruna og bjóða þeim upp á skipulagðar tómstundir þar sem allir ættu að geta fundið eitthvað við sitt hæfi. Unnið skal að því að hverjum og einum líði vel og finnist gott að koma í Hrafninn þar sem hægt er að njóta sín í öruggu og skemmtilegu umhverfi.

Viðfangsefni sumarnámskeiðanna eru fjölbreytt eins og sundferðir, skólagarðar, útivist og ýmsar stuttar ferðir innan og utan bæjarmarkanna.

 

 

 

Sumarnámskeiðsvikur eru eftirfarandi og er skipulögð dagskrá frá kl. 09.00 – 16.00.

Námskeið 1: 11. júní – 14. júní ( fjórir dagar )
Námskeið 2: 18. júní – 21. júní ( fjórir dagar )
Námskeið 3: 24. júní – 28. júní
Námskeið 4: 01 . júlí – 05. júlí
Námskeið 5: 08. júlí – 12. júlí.
Námskeið 6: 15. júlí – 19. júlí

Börnin þurfa að hafa með sér nesti fyrir allan daginn.

Námskeiðsgjald er kr. 9.158 hver vika. Systkinaafsláttur er 20% við skráningu barns nr. 2 og 10% á hvert barn eftir það. Hámarksfjöldi er 20 börn á hvert námskeið.

Gæsla: Boðið er upp á gæslu á milli 08.00 – 09.00 og 16.00 – 17.00, hver klukkustund kostar 253 kr.

ATH. Í skráningarkerfi þarf að skrá sérstaklega ef óskað er eftir gæslu fyrir börnin.

Skráning hefst 25. apríl og námskeiðsgjald greiðist við skráningu. Smellið hér til að fara á skráningarsíðu.

________________________________________________________________________________________

Unglingastarfið  í Hrafninum.

Unglingum 13 til 16 ára (fædd á árunum 2003 – 2005)  gefst kostur á að vinna í Vinnuskóla Kópavogs, vinnan er sveigjanleg og aðlöguð að þeirra áhuga, getu og úthaldi. Forstöðumenn Hrafnsins og Vinnuskólans vinna saman að gerð verkefnalista um þau verkefni sem henta þeim. Vinnutími unglingana er einstaklingsmiðaður, allt frá nokkrum tímum á viku, upp í heila daga.

Skráningar í Vinnuskóla Kópasvogs eru HÉR Vinsamlega takið fram við skráningu að unglingur hafi tengingu við Hrafninn.

ATH! Frístundanámskeið hálfan daginn á móti vinnu kostar 4.579 kr.

Skráningar fara fram HÉR.

Forstöðumaður er Ásgerður Stefanía Baldursdóttir
 asgerdurs@kopavogur.is 
Símanúmer í Hrafninum eru 441 9381, gsm 897 0013.

Hrafninn kynningarbæklingur