Félagsmiðstöðvar.

Félagsmiðstöðvar Kópavogs, Félkó, halda úti fjölbreyttum og skemmtilegum opnunum á sumrin fyrir 11-13 ára annars vegar og 14-16 ára hins vegar. Með yngri hópinn er horft til þess að hafa fjölbreyttar smiðjur sem tengjast afþreyingu, föndri, útivist, hreyfingu og ýmislegt fleira. Fyrir eldri hópinn eru hefðbundnar dag- og kvöldopnanir ásamt hádegisopnunum fyrir vinnuskólann, sértækt hópastarf ásamt útilegu og öðrum sumarlegum viðburðum.

Smiðjur fyrir 11 – 13 ára ( f. 2011 – 2013 )

Í sumar verða í boði sumarsmiðjur í öllum félagsmiðstöðvum.

Hámarksfjöldi í hverja sumarsmiðju eru 20 börn.

Gjaldskrá í smiðjurnar er breytileg og tekur mið af viðfangsefni hverrar smiðju.

Vakinn er athygli á að afbókun í smiðjur þarf að berast með viku fyrirvara, að öðrum kosti fæst smiðjugjald ekki endurgreitt.

Skráning hefst 25. apríl.

Námskeiðsgjald greiðist við skráningu.

 

 

 

Sumaropnun í félagsmiðstöðvum.

Á sumrin er mikið lagt upp úr öflugu hópastarfi, útivist, og góðu samstarfi við Vinnuskóla Kópavogs ásamt því að halda úti metnaðarfullri dag- og kvöld dagskrá.

Hver og ein félagsmiðstöð verður með sína dagskrá og hópa í sumar og forstöðumenn senda til upplýsinga á forsjáraðila í tölvupósti í sumarbyrjun.

Umsjón og ábyrgð með sumarstarfi Félkó er í höndum forstöðumanns í hverri félagsmiðstöð.

 

Félagsmiðstöðvar eru eftirfarandi:

Dimma Vatnsendaskóla
Ekkó Kársnesskóla
Fönix Salaskóla
Igló Snælandsskóla
Jemen Lindaskóla
Kjarninn Kópavogsskóla
Kúlan Kóraskóla
Pegasus Álfhólsskóla
Þeba Smáraskóla

Forstöðumenn félagsmiðstöðva í hverju skólahverfi hafa umsjón með sumarsmiðjum og sumaropnun í félagsmiðstöðvum og veita nánari upplýsingar.