Starfs – og félagsmiðstöðvarklúbburinn Höfuð-Borgin

Höfuð-Borgin er með aðsetur í Fannborg 2, 200 Kópavogur. Í verkefnum Höfuð – Borgarinnar er lögð áhersla á hefðbundna sumarvinnu hjá Kópavogsbæ í samvinnu við ungmennin, sem aðstoðar með kynningu á almennum vinnumarkaði. Einnig er boðið upp á faglegt og skemmtilegt félagsmiðstöðvastarf.

 

Umsóknartímabil hefst í byrjun febrúar hvers árs og er opið í u.þ.b. 6 vikur.  Starfstímabil ungmenna er frá byrjun júní og stendur í 8 vikur.

Launakjör eru samkvæmt kjarasamningi Starfsmannafélags Kópavogs og Sambands Íslenskra sveitarfélaga.

 

Nánari upplýsingar veitir Brynhildur Bergmann Kjartansdóttir forstöðumaður
Höfuð-Borgarinnar í gegnum tölvupóst og í síma 441 – 9395/825 – 5913

Höfuð – Borgin Upplýsingarbæklingur

 

 

Saga sumars – og frístundastarfs ungmenna með fötlun í Kópavogi:

Frá árinu 2010 hefur Kópavogsbær  boðið ungmennum með fötlun á aldrinum 17 til 25 ára upp á sumarvinnu.
Áhersla var lögð á að auka vinnu – og frístundaúrræði fyrir ungmennin sem sniðið væri að þeirra þörfum og getu.
Sumarstarfinu var ætlað að bjóða uppá fræðandi og uppbyggilega nálgun, til viðbótar við hefðbundna sumarvinnu hjá bænum og laut meðal annars að kynningu á almennum vinnumarkaði.